«Гоголев ааҕыылара»

Иван Михайлович Гоголев-Кындыл

Саха народнай поэта И.М. Гоголев-Кындыл айымньыларын ааҕааччы киэҥ араҥатыгар тиэрдэр, кэрэхсэтэр сөхтөрөр, киэн туттар санааны олохсутар, айымньылаах үлэҕэ уһуйар сыаллаах-соруктаах, киин библиотека көҕүлээһининэн Бүлүү улууһугар «Гоголев ааҕыылара» 1995 сылтан саҕалаан ыытыллаллар. Быйыл, 2020 сылга, ҮБҮЛҮӨЙДЭЭХ «ГОГОЛЕВ ААҔЫЫЛАРА» 25-С ТӨГҮЛҮН айар үлэтигэр сүгүрүйээччилэри түмэр.

Мин кынаттаах атым көтөр : «Гоголев ааҕыылара», 1995 — 2005 / «Бүлүү улууһа (оройуона)» МТ культураҕа управлениета, Бүлүүтээҕи киин библиотека ; [хомуйан оҥордо М. С. Васильева ; редкол.: Л. С. Степанова, М. П. Дмитриева, Н. П. Седалищева ; худож. Н. П. Михайлов]. — Бүлүү : [б. и.], 2005. — 73, [2] с. : ил., цв. ил. ; 29 см. — 500 экз.

Кинигэҕэ Бүлүү улууһугар 1995-2005 сылларга ыытыллыбыт «Гоголев ааҕыылара» сырдатыллар. Ааҕааччы саха народнай поэта И.М. Гоголев — Кындыл киэҥ далааһыннаах айар үлэтин үйэтитии туһунан, сүдү аакка сүгүрүйүү бэлиэтин — “Ааҕыылар» ис хоһооннорун кытта билсиэ.
Кинигэ суруйааччы үлэтин сэҥээрээччилэргэ, киэҥ ааҕааччыга аналлаах.

В книге описывается опыт работы по увековечению памяти народного поэта Якутии И.М. Гоголева — Кындыл в Вилюйском улусе за 1995 — 2005 годы.
Читателям предлагаются материалы “Гоголевских чтений” и статьи из газет. Книга предназначена для широкого круга читателей.

«…Мин олоҕум — толуу чороон
Кини уохтаах кымыһын
Утаппыт, сылайбыт дьон
Ыймахтааҥ күн аайытын…»

Иван Михайлович Гоголев-Кындыл